寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。
原始文章連結:萬事問 Google 對我們的記憶力有什麼影響?
萬事問 Google 對 亻恩 俚个記憶力有麼个影響?(海陸腔)
不論係想知某隻國家个國旗顏色、地球上最大个哺乳類生物、親愛个旅行????仔做麼个佇屋下悴等毋出門,各種過去可能愛揙到幾本書、打電話問遍親戚朋友个問題,這下差毋多無 Google 一擺做毋得解決个,若係有,就 Google 兩擺(毋過毋好毋記得換隻關鍵字啊)。
但係你有注意著自家查忒資料後心滿意足,嗄轉下身就毋記得頭先查著个內容?
最近 107 學年度學科能力測驗試題个國語文考題中,引用咧一篇美國團隊針對搜尋引擎對記憶影響个研究做命題。這係隻十分生趣个研究,同時研究內容做得摎 亻恩 俚講 亻恩 俚个比學測考題所選个段落多加盡多咧(也更有啟發);不論你係堵堵經歷忒水深火熱个學子,抑係脫離學校當久个上班族,共下來認識有電腦摎搜尋引擎在身旁,對你个記憶力造成咧麼个影響啊!
既然知去哪位尋,就摎記憶外包啊!
三位心理學家在 2011 年《科學》期刊發表个「Google 對記憶个影響:方便獲取資訊對認知个影響」:當搜尋引擎成為人該兜可靠个資訊獲取途徑个時節,佢兜會記核還較少个事實摎資訊,講到轉來就會強化記核愛去哪位取著資訊。研究團隊認為,網際網路將成為人類外部記憶,抑係安到交換記憶个一種主要形式。
「交換記憶」个概念係在 1985 年由韋格納提出,簡單來講,就係摎某兜記憶「儲存」在 亻恩 俚大腦之外个所在,其實你可能早就熟事這隻技巧囉!比論講,尋毋著換季衫褲放在哪位就問阿姆,做 Excel 表單一出狀況就拚去問某隻號稱 Office 小神童个同事、記毋核球星个名仔反正共下看比賽个朋友都記得……等,像這恁樣个記憶網路,使 亻恩 俚个大腦毋使記核世界上个所有事情,斯愛記得「問麼儕」就做得咧。到咧科技發達个現代,手機摎 亻恩 俚????記電話號碼、GPS 摎 亻恩 俚????記路線,還網際網路就????記核咧盡多資訊。
透過這篇研究,做得發現著現代人个記憶,當當在隨等電腦摎網路科技个進步來調適。斯像 亻恩 俚學會哪兜問題愛問哪兜親友 亻恩 俚也學會電腦「知」麼个,還過 亻恩 俚應該在幾時、去哪位取用。電腦成為人類重要个資訊來源,失去網路連結可能摎失去一個真實朋友个感受緊來緊像。
隨等網路摎手機个普及,網路成願頭抑係數位癡呆症也成為社會熱門話題,這係毋係代表 Google 對人腦也造成負面影響喏?研究團隊對這無明確个答案。韋格納表示:「無人知這兜工具對邏輯思考个影響。」雖然記毋核昶多知識个學生仔可能也盡難摎這兜知識用在批判思考上,但係佢相信整體个情況係有利个,斯像過去學校識禁止學生仔在數學課上使用計算機,這下顛倒期待學生仔仰般有效運用這兜工具來發揮更大个成效。
萬事問 Google 對 亻恩 俚个記憶力有麼个影響?(四縣腔)
不論係想知某隻國家个國旗顏色、地球項最大个哺乳類生物、親愛个旅行????仔做麼个佇屋下悴等毋出門,各種過去可能愛揙到幾本書、打電話問遍親戚朋友个問題,這下差毋多無Google 一擺做毋得解決个,若係有,就 Google 兩擺(毋過毋好毋記得換隻關鍵字啊)。
但係你有注意著自家查忒資料後心滿意足,嗄轉下身就毋記得頭先查著个內容?
最近 107 學年度學科能力測驗試題个國語文考題中,引用咧一篇美國團隊針對搜尋引擎對記憶影響个研究做命題。這係隻十分生趣个研究,同時研究內容做得摎 亻恩 俚講 亻恩 俚个比學測考題所選个段落多加盡多咧(也更有啟發);不論你係堵堵經歷忒水深火熱个學子,抑係脫離學校當久个上班族,共下來認識有電腦摎搜尋引擎在身旁,對你个記憶力造成咧麼个影響啊!
既然知去哪位尋,就摎記憶外包啊!
三位心理學家在 2011 年《科學》期刊發表个「Google 對記憶个影響:方便獲取資訊對認知个影響」:當搜尋引擎成為人該兜可靠个資訊獲取途徑个時節,佢兜會記核還較少个事實摎資訊,講到轉來就會強化記核愛去哪位取著資訊。研究團隊認為,網際網路將成為人類外部記憶,抑係安到交換記憶个一種主要形式。
「交換記憶」个概念係在 1985 年由韋格納提出,簡單來講,就係摎某兜記憶「儲存」在 亻恩 俚大腦之外个所在,其實你可能早就熟事這隻技巧囉!比論講,尋毋著換季衫褲放在哪位就問阿姆,做 Excel 表單一出狀況就拚去問某隻號稱 Office 小神童个同事、記毋核球星个名仔反正共下看比賽个朋友都記得……等,像這恁樣个記憶網路,使 亻恩 俚个大腦毋使記核世界上个所有事情,就愛記得「問麼儕」就做得咧。到咧科技發達个現代,手機摎 亻恩 俚????記電話號碼、GPS 摎 亻恩 俚????記路線,還網際網路就????記核咧盡多資訊。
透過這篇研究,做得發現著現代人个記憶,當當在隨等電腦摎網路科技个進步來調適。就像 亻恩 俚學會哪兜問題愛問哪兜親友 亻恩 俚也學會電腦「知」麼个,還過 亻恩 俚應該在幾時、去哪位取用。電腦成為人類重要个資訊來源,失去網路連結可能摎失忒一個真實朋友个感受緊來緊像。
隨等網路摎手機个普及,網路成願頭抑係數位癡呆症也成為社會熱門話題,這係毋係代表 Google 對人腦也造成負面影響喏?研究團隊對這無明確个答案。韋格納表示:「無人知這兜工具對邏輯思考个影響。」雖然記毋核忒多知識个學生仔可能也盡難摎這兜知識用在批判思考上,但係佢相信整體个情況係有利个,就像過去學校識禁止學生仔在數學課項使用計算機,這下顛倒期待學生仔仰般有效運用這兜工具來發揮更大个成效。
看更多客語版朗讀素材,請見:【寶溫盃】客語朗讀比賽「暢樂搞科學」