寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。
原始文章連結:想知道狗狗的年紀嗎?現在有更科學的算法啦!
想知狗个年紀無?這下有更科學个算法啦!(海陸腔)
你係毋係識聽人摎你講「????屋下个狗這下 14 歲。」聽著這種講法,你係毋係會試著好奇:欸?恁樣係老抑係後生?
若係參考過去坊間流傳个講法「狗个一歲等於人類个七歲」,該 亻恩 俚做得推算這隻狗已經係隻百歲「狗」瑞咧。這種換算法个道理其實十分簡單粗暴:狗个平均壽命大約係 10 年,人類斯做得有 70 年,一歲等於七歲个換算大體就係恁樣來个。
毋過,這下科學家提出了另外一種更科學个換算方式,就分 亻恩 俚共下來看這條公式係仰般來个哦!這種新个算式背後,主要係參考咧「表觀遺傳時鐘」概念,這種方法做得利用人類 DNA 个「甲基化」來判斷人類个生理年齡。
這項分析發現了狗(至少拉布拉犬係恁樣)摎人類確實在特定基因組有會相像个年齡相關甲基化現象。當研究員對比後生人摎後生狗、老年人摎老年狗个時節,這兜相像个所在就還較明顯。
當狗變老个時節,佢兜會著著摎人類相像个慢性疾病,生理功能也會因為恁樣退化。還這項研究就分 亻恩 俚更加確定,在老化个過程裡肚,像這恁樣个分子變化也會隨等產生。
新算式出爐哩唷!遽來算看啊!
實驗團隊對比咧狗仔甲基化變化个比率摎人類个表觀遺傳時鐘,下後得出咧一隻比坊間版本還較複雜兜个公式。若係你想知愛仰般形換算,公式生著恁樣:
狗个人類年齡=16 (狗實際歲數个自然對數)+31
根據甲基化个數據,人類个生命階段摎狗个年齡像形就做得搭上線咧。舉例來講,一隻 7 禮拜大个狗子摎 9 隻月大个人類孲兒差毋多大(無毋著就係該隻流等口水準備生牙齒个階段)。再對比一下拉不拉多个平均壽命(12 歲)摎全球人類个平均壽命(70 歲),有發現著也對得著呢!
總體來講,犬類个表觀遺傳時鐘捩到比人類遽多咧,若係依照公式來看,一隻兩歲个拉不拉多雖然看上去還像隻細狗仔,但係佢其實已經中年咧,過後,時鐘个變化會定定仔較慢。
想知狗个年紀無?這下有更科學个算法啦!(四縣腔)
你係毋係識聽人摎你講「????屋下个狗這下 14 歲。」聽著這種講法,你係毋係會試著好奇:欸?恁樣係老抑係後生?
若係參考過去坊間流傳个講法「狗个一歲等於人類个七歲」,該 亻恩 俚做得推算這隻狗已經係隻百歲「狗」瑞咧。這種換算法个道理其實十分簡單粗暴:狗个平均壽命大約係 10 年,人類斯做得有70 年,一歲等於七歲个換算大體就係恁樣來个。
毋過,這下科學家提出了另外一種更科學个換算方式,就分 亻恩 俚共下來看這條公式係仰般來个哦!這種新个算式背後,主要係參考咧「表觀遺傳時鐘」概念,這種方法做得利用人類 DNA 个「甲基化」來判斷人類个生理年齡。
這項分析發現了狗(至少拉布拉犬係恁樣)摎人類確實在特定基因組有會相像个年齡相關甲基化現象。當研究員對比後生人摎後生狗、老年人摎老年狗个時節,這兜相像个所在就還較明顯。
當狗變老个時節,佢兜會著著摎人類相像个慢性疾病,生理功能也會因為恁樣退化。還這項研究就分 亻恩 俚更加確定,在老化个過程裡肚,像這恁樣个分子變化也會隨等產生。
新算式出爐哩唷!遽來算看啊!
實驗團隊對比咧狗仔甲基化變化个比率摎人類个表觀遺傳時鐘,下後得出咧一隻比坊間版本還較複雜兜个公式。若係你想知愛仰般形換算,公式生著恁樣:
狗个人類年齡=16 (狗實際歲數个自然對數)+31
根據甲基化个數據,人類个生命階段摎狗个年齡當像就做得搭上線咧。舉例來講,一隻 7 禮拜大个狗子摎 9 隻月大个人類嬰兒仔差毋多大(無毋著就係該隻流等口涎水準備生牙齒个階段)。再對比一下拉不拉多个平均壽命(12 歲)摎全球人類个平均壽命(70 歲),有發現著也對得著呢!
總體來講,犬類个表觀遺傳時鐘捩到比人類遽多咧,若係依照公式來看,一隻兩歲个拉不拉多雖然看上去還像隻細狗仔,但係佢其實已經中年咧,過後,時鐘个變化會定定仔較慢。
看更多客語版朗讀素材,請見:【寶溫盃】客語朗讀比賽「暢樂搞科學」