寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。
想死忒返生,先冰起來就著咧……係無?(海陸腔)
毋想分食物壞忒, 亻恩 俚做得摎佢兜冰在冰箱肚,該若係想愛長生不老, 亻恩 俚做得摎人冰在冰箱肚無喏?答案係:做得!
事實上,世界上有組織就專門在做這種「冷凍人」,今晡日,就分 亻恩 俚來看看冷凍人摎冷凍人背後該追求長生不老个故事。
歷史上第一個冷凍人係詹姆士‧貝德福特 (James Bedford),佢原旦係加州大學个心理學教授,著著腎臟癌,下後癌細胞轉移到肺臟。在該量時,這做得講係無好醫个症頭。貝德福特包尾死在 1967 年,並在遺囑裡肚留下咧 10 萬美金,希望做得摎自家好好冰起來。
在貝德福特 (Bedford) 死後幾點鐘,處理人員對佢个屍體進行咧十分原始个冷凍程序,這隻「冰人」个過程係恁樣个:頭下碼,佢分人注射咧作為抗凍劑个二甲亞碸,在該量時分人認為對於長期冷凍盡有效用。再來,貝德福特 (Bedford) 斯分人保存落液態氮裡肚。佢个冷凍艙在搬咧幾下擺屋過後,這下在「阿爾科生命延續基金」落地生根。
由於貝德福特 (Bedford) 係歷史上第一個進行這種死後冷凍个人,相關社群十分重視佢所帶來个意義,還合摎佢冷凍个該日──1 月 12 日設定為「詹姆士‧貝德福特 (James Bedford) 日」,逐年都愛慶祝一下。
毋過,做麼个貝德福特 (Bedford) 个冷凍過程恁複雜喏?冷凍个時節,體內个水分形成大型冰晶當容易會造成細胞損傷,所以正愛照步做合加落抗凍劑,分細胞毋會在冷凍个時節受到昶大个損傷。
還講到所謂个「抗凍劑」,其實在寒帶生物个身上十分常見,生長在寒帶个變溫動物因為毋像人類會自動調節體溫維持在固定範圍佢兜个體溫會隨等外界溫度變化。試想:假使外背降到零度以下,佢兜个體溫也會跈等下降,恁樣一來,佢兜體內个液體毋係就會跈等變做冰矻咧敢毋係?
這種事情當然係毋會發生个,在各地生存下來个動物各自有佢抗寒个本領。以灰樹????為例,佢兜做得在零度以下存活幾下日,這係因為佢兜在面對天寒地凍个時節,血液裡肚个甘油摎葡萄糖个比例都會上升。恁樣一來,就做得保護細胞毋會因為低溫嗄形成冰晶,佢兜正做得繼續在低溫裡肚存活。還貝德福特 (Bedford) 分人注入个二甲亞碸在冷凍過程裡肚所扮演个,正係像該恁樣个角色。
想死忒返生,先冰起來就著咧……係無?(四縣腔)
毋想分食物壞忒, 亻恩 俚做得摎佢兜冰在冰箱肚,該若係想愛長生不老, 亻恩 俚做得摎人冰在冰箱肚無喏?答案係:做得!
事實上,世界項有組織就專門在做這種「冷凍人」,今晡日,就分 亻恩 俚來看看冷凍人摎冷凍人背後該追求長生不老个故事。
歷史上第一個冷凍人係詹姆士‧貝德福特 (James Bedford),佢原旦係加州大學个心理學教授,著著腎臟癌,下後癌細胞轉移到肺臟。在該央時,這做得講係無好醫个症頭。貝德福特 (Bedford) 包尾死在 1967 年,並在遺囑裡肚留下咧 10 萬美金,希望做得摎自家好好冰起來。
在貝德福特 (Bedford) 死後幾點鐘,處理人員對佢个屍體進行咧十分原始个冷凍程序,這隻「冰人」个過程係恁樣个:頭下碼,佢畀注射咧作為抗凍劑个二甲亞碸,在該央時分人認為對於長期冷凍盡有效用。再來,貝德福特 (Bedford) 就分人保存落液態氮裡肚。佢个冷凍艙在搬咧幾下擺屋過後,這下在「阿爾科生命延續基金」落地生根。
因為貝德福特係歷史上第一個進行這種死後冷凍个人,相關社群十分重視佢所帶來个意義,還合摎佢冷凍个該日──1 月 12 日設定為「詹姆士‧貝德福特 (James Bedford) 日」,逐年都愛慶祝一下。
毋過,做麼个貝德福特个冰凍過程恁複雜喏?冷凍个時節,體內个水分形成大型冰晶當容易會造成細胞損傷,故所正愛照步做並加入抗凍劑,分細胞毋會在冷凍个時節受到忒大个損傷。
還講到所謂个「抗凍劑」,其實在寒帶生物个身項十分常見,生長在寒帶个變溫動物因為毋像人類會自動調節體溫維持在固定範圍佢兜个體溫會隨等外界溫度變化。試想:假使外背降到零度以下,佢兜个體溫也會跈等下降,恁樣一來,佢兜體內个液體毋係就會跈等變成冰矻咧敢毋係?
這種事情當然係毋會發生个,在各地生存下來个動物各自有佢抗寒个本領。以灰樹????為例,佢兜做得在零度以下存活幾下日,這係因為佢兜在面對天寒地凍个時節,血液裡肚个甘油摎葡萄糖个比例都會上升。恁樣一來,就做得保護細胞毋會因為低溫嗄形成冰晶,佢兜正做得繼續在低溫裡肚存活。還貝德福特 (Bedford) 分人注入个二甲亞碸在冷凍過程裡肚所扮演个,正係像該恁樣个角色。
看更多客語版朗讀素材,請見:【寶溫盃】客語朗讀比賽「暢樂搞科學」