某科學の超電報

做麼个愛設立諾貝爾獎?│【寶溫盃】客語朗讀比賽

2020/07/25 |

寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。

原始文章連結:諾貝爾獎金怎麼發不完?我也能得諾貝爾獎嗎?——諾貝爾獎二三事

做麼个愛設立諾貝爾獎?(海陸腔)

出生在瑞典斯德哥爾摩个化學家、工程師摎發明家阿爾弗雷德‧諾貝爾 (Alfred Nobel,1833 – 1896) 靠等佢 355 項个發明來成為大富翁,其中一等有名个就係炸藥。但係諾貝爾對於炸藥畀應用在各種破壞摎戰爭用途上試著痛心,也煩惱自家將會用「死亡商人」个名仔流傳後世,因為恁樣所以在 1895 年寫下遺囑,愛摎大部分个財富投入在設立諾貝爾獎基金會,用來表彰該兜對人類做出巨大貢獻个人。

但係根據《百年諾貝爾獎》指出,當年遺囑一公布,社會大眾不但無拍手喊好,顛倒引發輿論質疑:「麼个啊!你愛摎這恁大筆錢,拿去辦該隻毋知麼个獎,還捐分特定傑出人物?」還合有律師想挑遺囑个毛病,想愛否定繼承遺產个基金會个存在。

總算在諾貝爾遺囑執行人个煞猛打拚之下,瑞典國會確認遺囑有效,合根據諾貝爾遺囑進行獎項得主評選,在 1901 年頒出第一屆諾貝爾生醫獎、物理獎、化學獎、文學獎摎和平獎。

這下大家熟事个「諾貝爾經濟學獎」其實一開始並無存在,還係瑞典中央銀行在 1968 年,為著紀念諾貝爾還過慶祝該行創設 300 周年增設个,藉這獎勵傑出个經濟學家。對提名、遴選到頒發過程,這隻獎項都比照諾貝爾獎,再透過命名方式,摎舉世知名个諾貝爾獎名聲「接用」過來,正式名稱安到「紀念阿爾弗雷德‧諾貝爾个瑞典銀行經濟學獎」。

該做麼个諾貝爾當初無設立數學相關个獎項喏?除忒網路八卦盛傳个「諾貝爾識有一位細佢十三歲个女朋友,但係後來跈等一位數學家走咧」𠊎愛个人毋愛𠊎版本外,也有人推測諾貝爾受當時科學觀个影響,對數學个態度顯得比較輕忽。諾貝爾个阿爸識食過銀行業个苦頭,所以佢對這隻領域乜抱持一種「斯做得遠遠看」个謹慎態度。係毋係因為這兜原因分諾貝爾獎無設立數學獎,抑係其實後人也不應該自家新增加經濟學獎,這兜疑問怕係只有諾貝爾本人正知答案咧。

這兜諾貝爾獎得主不但對該下開始名仔做得摎愛因斯坦、居禮夫人、馬丁路德‧金恩摎海明威等傳奇人物擺到共下,還做得獲得金質獎牌、證書,還合單項獎金更高達 800 萬瑞典克朗(相當於新台幣 2869 萬銀)。若係單項得獎人只有一儕就係全拿,兩儕平分,三儕个話會由委員會決定一隻公平个三等份數字(每隻獎項最多只會有三位得主)。

做麼个愛設立諾貝爾獎?(四縣腔)

出生在瑞典斯德哥爾摩个化學家、工程師摎發明家阿爾弗雷德‧諾貝爾 (Alfred Nobel,1833 – 1896) 靠等佢 355 項个發明來成為大富翁,其中一等有名个就係炸藥。但係諾貝爾對於炸藥畀應用在各種破壞摎戰爭用途上試著痛心,也煩惱自家將會用「死亡商人」个名仔流傳後世,因為恁樣故所在 1895 年寫下遺囑,愛摎大部分个財富投入在設立諾貝爾獎基金會,用來表彰該兜對人類做出巨大貢獻个人。

但係根據《百年諾貝爾獎》指出,當年遺囑一公布,社會大眾毋單只無拍手喊好,顛倒引發輿論質疑:「麼个啊!你愛摎這恁大筆錢,拿去辦該隻毋知麼个獎,還捐分特定傑出人物?」還合有律師想挑遺囑个毛病,想愛否定繼承遺產个基金會个存在。

總算在諾貝爾遺囑執行人个煞猛打拚之下,瑞典國會確認遺囑有效,根據諾貝爾遺囑進行獎項得主評選,在 1901 年頒出第一屆諾貝爾生醫獎、物理獎、化學獎、文學獎摎和平獎。

這下大家熟事个「諾貝爾經濟學獎」其實一開始並無存在,還係瑞典中央銀行在 1968 年,為著紀念諾貝爾還過慶祝該行創設 300 周年增設个,藉這獎勵傑出个經濟學家。對提名、遴選到頒發過程,這隻獎項都比照諾貝爾獎,再透過命名方式,摎舉世知名个諾貝爾獎名聲「接用」過來,正式名稱安到「紀念阿爾弗雷德‧諾貝爾个瑞典銀行經濟學獎」。

該做麼个諾貝爾當初無設立數學相關个獎項喏?除忒網路八卦盛傳个「諾貝爾識有一位細佢十三歲个女朋友,但係後來跈等一位數學家走咧」𠊎愛个人毋愛𠊎版本外,也有人推測諾貝爾受當時科學觀个影響,對數學个態度顯得比較輕忽。諾貝爾个阿爸識食過銀行業个苦頭,故所佢對這隻領域乜抱持一種「正做得遠遠看」个謹慎態度。係毋係因為這兜原因分諾貝爾獎無設立數學獎,抑係其實後人也不應該自家新增加經濟學獎,這兜疑問怕係只有諾貝爾本人知答案咧。

這兜諾貝爾獎得主不但對該下開始名仔做得摎愛因斯坦、居禮夫人、馬丁路德‧金恩摎海明威等傳奇人物擺到共下,還做得獲得金質獎牌、證書,還合單項獎金更高達 800 萬瑞典克朗(相當於新台幣 2869 萬銀)。若係單項得獎人只有一儕就係全拿,兩儕平分,三儕个話會由委員會決定一隻公平个三等份數字(每隻獎項最多只會有三位得主)。

看更多客語版朗讀素材,請見:【寶溫盃】客語朗讀比賽「暢樂搞科學」

關於作者

PanSci

PanSci的管理者通用帳號,也會用來發表投稿文章跟活動訊息喔。

網站更新隱私權聲明
本網站使用 cookie 及其他相關技術分析以確保使用者獲得最佳體驗,通過我們的網站,您確認並同意本網站的隱私權政策更新,了解最新隱私權政策