某科學の超電報

達文西過身 500 週年:地表最強斜槓天才仰般養成?│【寶溫盃】客語朗讀比賽

2020/07/25 |

寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。

原始文章連結:達文西逝世500週年:地表最強斜槓天才如何養成?

達文西過身 500 週年:地表最強斜槓天才仰般養成?(海陸腔)

達文西分人阿𧩣係世紀天才,除忒留下當多達文西密碼之外,佢一等分人熟事个,斯係《蒙娜麗莎个微笑》、《最後个暗餐》等等美好幼秀个畫作。毋過,你知佢除忒在藝術方面盡有貢獻之外,也係一個超級斜槓个科學愛好者無?

這位文藝復興時代个英才,對於盡多事物都有強烈个好奇心。不同於 亻恩 俚凡人个三分鐘熱度,但凡係這儕人想愛研究个東西,佢都會煞猛研究,因為恁樣,佢在音樂、土木工程、數學幾何、生理解剖、動物植物,還過氣象摎地質,都有學多學少,在當年做得講係「上知天文、下知地理」,贏過共隻時代个其他畫家。

達文西當早就開始接觸人體解剖學,在佢个刀下,男人、女人、青年、老人,全走毋去,佢一生人解剖咧 30 具左右个屍體。還該牛、熊、𧊅仔、鳥仔,也全係佢研究个對象。

佢識摎托爾醫生合作進行解剖工作,合畫有 200 零篇畫作,還合在死後摎這兜圖畫集結成《繪畫論》出版。(想想當年買个人心肝肚毋知有幾驚仔,你話著你買著一本在該談論繪畫个書,結果裡背充滿了屍體……)

這兜解剖分佢深入了解人體个肌肉、骨骼,還過血管摎神經系統。達文西毋單淨針對生殖系統、臟器摎大腦都做咧詳細記錄、描繪視神經在眼球摎大腦間个連結,更係第一擺畫出咧子宮內个胎兒。

還過你𠊎都當有印象、也分人無限搣嗄个《維特魯威人》,這幅畫个名稱,來自於達文西當中意个一位古羅馬建築師。藉由維特魯威在《建築十書》裡肚个講述,達文西創作咧這幅畫作,在其中也囥等盡多數學个概念。

亻恩 俚做得對圖片看出來,人體分別嵌落一隻圓形摎矩形裡肚,這係仰般做到个喏?維特魯威認為,若係用人个肚臍做圓心,做得描繪出一隻圓形,還這儕人个手指摎腳趾會摎圓周接觸。另一方面,人个兩隻手臂打直个長度大約等於人个身高,因為恁樣, 亻恩 俚乜做得摎人放落正方形裡肚。恁樣一來,你就做得得著一個又正又圓个人囉!

也正係因為達文西在各領域都分 亻恩 俚盡多啟發,大家當好用佢來命名各種東西,比論講,美國天文學家斯切兒特 杰‧巴斯 (Schelte J. Bus) 在 1981 年發現新个小行星時節,斯用達文西為佢命名,安到「小行星 3000 李奧納多」。

就算過忒五百年,達文西還係分人阿𧩣。對你來講,最餳你个係達文西哪隻部份喏?

達文西過身 500 週年:地表最強斜槓天才仰般養成?(四縣腔)

達文西分人阿𧩣係世紀天才,除忒留下當多達文西密碼之外,佢一等分人熟事个,就係《蒙娜麗莎个微笑》、《最後个暗餐》等等美好幼秀个畫作。毋過,你知佢除忒在藝術方面盡有貢獻之外,也係一個超級斜槓个科學愛好者無?

這位文藝復興時代个英才,對於盡多事物都有強烈个好奇心。不同於 亻恩 俚凡人个三分鐘熱度,但凡係這儕人想愛研究个東西,佢都會煞猛研究,因為恁樣,佢在音樂、土木工程、數學幾何、生理解剖、動物植物,還過氣象摎地質,都有學多學少,在當年做得講係「上知天文、下知地理」,贏過共隻時代个其他畫家。

達文西當早就開始接觸人體解剖學,在佢个刀下,男人、女人、青年、老人,全走毋去,佢一生人解剖咧 30 具左右个屍體。還該牛、熊、𧊅仔、鳥仔,也全係佢研究个對象。

佢識摎托爾醫生合作進行解剖工作,合畫有 200 零篇畫作,還合在死後摎這兜圖畫集結成《繪畫論》出版。(想想當年買个人心肝肚毋知有幾驚仔,你話著你買著一本在該談論繪畫个書,結果裡背充滿了屍體……)

這兜解剖分佢深入了解人體个肌肉、骨骼,還過血管摎神經系統。達文西毋單淨針對生殖系統、臟器摎大腦都做咧詳細記錄、描繪視神經在眼球摎大腦間个連結,更係第一擺畫出咧子宮內个胎兒。

或者你𠊎都當有印象、也畀無限搣嗄个《維特魯威人》,這幅畫个名稱,來自於達文西當中意个一位古羅馬建築師。藉由維特魯威在《建築十書》裡肚个講述,達文西創作咧這幅畫作,在其中也囥等盡多數學个概念。

亻恩 俚做得對圖片看出來,人體分別嵌落一隻圓形摎矩形裡肚,這係仰般做到个喏?維特魯威認為,若係用人个肚臍做圓心,做得描繪出一隻圓形,還這儕人个手指摎腳趾會摎圓周接觸。另一方面,人个兩隻手臂打直个長度大約等於人个身高,因為恁樣, 亻恩 俚乜做得摎人放落正方形裡肚。恁樣一來,你就做得得著一個又正又圓个人囉!

也正係因為達文西在各領域都分 亻恩 俚盡多啟發,大家當好用佢來命名各種東西,比論講,美國天文學家斯切兒特 杰‧巴斯 (Schelte J. Bus) 在 1981 年發現新个小行星時節,就用達文西為佢命名,安到「小行星 3000 李奧納多」。

就算過忒五百年,達文西還係分人阿𧩣。對你來講,最餳你个係達文西哪隻部份喏?

看更多客語版朗讀素材,請見:【寶溫盃】客語朗讀比賽「暢樂搞科學」

關於作者

PanSci

PanSci的管理者通用帳號,也會用來發表投稿文章跟活動訊息喔。

網站更新隱私權聲明
本網站使用 cookie 及其他相關技術分析以確保使用者獲得最佳體驗,通過我們的網站,您確認並同意本網站的隱私權政策更新,了解最新隱私權政策