某科學の超電報

人類頭一擺偵測著藍鯨个心跳!在深海个頻率原來恁慢│【寶溫盃】客語朗讀比賽

2020/07/25 |

寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。

原始文章連結:人類首次偵測到藍鯨的心跳!在深海的頻率原來這麼慢

人類頭一擺偵測著藍鯨个心跳!在深海个頻率原來恁慢(海陸腔)

藍鯨係一種非常矛盾又迷人个存在,佢兜戴在深深个海竇肚,嗄需要敨新鮮空氣;體型做得講係目前世上已經知个最大个生物,嗄差毋多斯需要依恃芮芮隻个磷蝦為生。

最近,科學家還發現咧一隻關於藍鯨个生趣事實,該就係:佢兜个心跳超、級、慢。為著順利解開藍鯨个心跳秘密,由史丹佛大學个海洋生物學家傑瑞米‧葛登伯根 (Jeremy Goldbogen) 所帶領个團隊,特別打造了客製化心電偵測裝置。心跳會在皮膚表面引起極細个電學變化,捕捉這兜變化,並摎佢放大描繪做心電圖。

研究員摎帶有電極个感測器裝在吸盤裡肚,下後利用 6 公尺長个碳纖維桿仔,摎器具裝在加州蒙特利灣一隻 15 歲个藍鯨身上。佢兜特製个器具除忒做得偵測心律,還帶有 GPS 追蹤器,在記錄各種數據後,會㪐忒、浮上海面,再由研究人員追蹤回收、分析數據。

這兜新型器材,毋單淨做得分研究人員研究鯨魚个生活,也毋會過度攪躁佢兜,對於鯨魚來講,就像係輕輕仔拍佢兜个肩頭共樣。

最尾,這兜器具收集到咧差毋多 8.5 小時个數據,研究團隊發現著,藍鯨个心跳頻率變化極大,對一分鐘跳 2 下到一分鐘 37 下都有可能。當鯨魚潛到下頭个時節,佢个心律乜會跈等大幅下降。在潛下去个時節,心律大約係一分鐘 4-8 下,下把會一路下降到一分鐘 2 下。

毋過,做麼介佢兜个心臟愛跳到恁慢?一般來講,維持較低个心律有助海洋哺乳類保存氧氣,分佢兜做得在水面下還較長个時間。

毋過啊,科學家該兜看著數據後个感想係:這也實在係昶慢咧啊!這遠低於科學家頭下碼个預估──逐分鐘 11 下。更驚人个係,就算係進行捕食這種需要耗費大量精力个事情時,藍鯨个心律也不過 8.5 下/逐分鐘,佢兜食飯个時節該就愛撞落磷蝦群裡肚,摎嘴擘大大一口吞下磷蝦哦!

毋過,藍鯨个心律也毋係一直恁慢,當佢慢慢浮上來个時節,佢个心律會重新上升。到達海平面个時節,佢个血液流動會變到較遽,煞猛再過補充氧氣,為下一擺个下潛做準備,還畀偵測个鯨魚在這隻階段个心跳,紀錄做得達到巔峰个一分鐘 37 下,恁遽个心律,基本上已經達到咧鯨魚心臟个極限。

人類頭一擺偵測著藍鯨个心跳!在深海个頻率原來恁慢(四縣腔)

藍鯨係一種非常矛盾又迷人个存在,佢兜戴在深深个海竇肚,嗄需要敨新鮮空氣;體型做得講係目前世上已經知个最大个生物,嗄差毋多斯需要依恃芮芮隻个磷蝦為生。

最近,科學家還發現咧一隻關於藍鯨个生趣事實,該就係:佢兜个心跳超、級、慢。為著順利解開藍鯨个心跳秘密,在史丹佛大學个海洋生物學家傑瑞米.葛德波根 (Jeremy Goldbogen) 所帶領个團隊,特別打造了客製化心電偵測裝置。心跳會在皮膚表面引起極細个電學變化,捕捉這兜變化,並摎佢放大描繪做心電圖。

研究員摎帶有電極个感測器裝在吸盤裡肚,下後利用 6 公尺長个碳纖維桿仔,摎器具裝在加州蒙特利灣一隻 15 歲个藍鯨身項。佢兜特製个器具除忒做得偵測心律,還帶有 GPS 追蹤器,在記錄各種數據後,會㪐忒、浮上海面,再由研究人員追蹤回收、分析數據。

這兜新型器材,毋單淨做得分研究人員研究鯨魚个生活,也毋會過度攪躁佢兜,對於鯨魚來講,就像係輕輕仔拍佢兜个肩頭共樣。

最尾,這兜器具收集到咧差毋多 8.5 小時个數據,研究團隊發現著,藍鯨个心跳頻率變化極大,對一分鐘跳 2 下到一分鐘 37 下都有可能。當鯨魚潛到下頭个時節,佢个心律乜會跈等大幅下降。在潛下去个時節,心律大約係一分鐘 4-8 下,下把會一路下降到一分鐘 2 下。

毋過,做麼个佢兜个心臟愛跳到恁慢?一般來講,維持較低个心律有助海洋哺乳類保存氧氣,分佢兜做得在水面下還較長个時間。

毋過啊,科學家該兜看著數據後个感想係:這也實在係忒慢咧啊!這遠低於科學家頭下碼个預估──逐分鐘 11 下。更驚人个係,就算係進行捕食這兜需要耗費大量精力个事情時,藍鯨个心律也不過 8.5 下/逐分鐘,佢兜食飯个時節該就愛撞入磷蝦群裡肚,摎嘴擘大大一口吞下磷蝦哦!

毋過,藍鯨个心律也毋係一直恁慢,當佢慢慢浮上來个時節,佢个心律會重新上升。到達海平面个時節,佢个血液流動會變到較遽,煞猛再過補充氧氣,為下一擺个下潛做準備,還畀偵測个鯨魚在這隻階段个心跳,紀錄做得達到巔峰个一分鐘 37 下,恁遽个心律,基本上已經達到咧鯨魚心臟个極限。

看更多客語版朗讀素材,請見:【寶溫盃】客語朗讀比賽「暢樂搞科學」

關於作者

PanSci

PanSci的管理者通用帳號,也會用來發表投稿文章跟活動訊息喔。

網站更新隱私權聲明
本網站使用 cookie 及其他相關技術分析以確保使用者獲得最佳體驗,通過我們的網站,您確認並同意本網站的隱私權政策更新,了解最新隱私權政策