某科學の超電報

面盲毋只發生在看劇,更係生活中个一種症頭│【寶溫盃】客語朗讀比賽

2020/07/25 |

寶溫盃客語朗讀比賽邁入第 13 屆,而受到新冠肺炎疫情影響,這屆賽事從 4 月延至 7 月 25 日,今年特別以泛科學網站文章,作為朗讀素材,鼓勵更多人來傳播科學知識。以下收錄相關朗讀素材供參考。

原始文章連結:擔心暴雷和爆膀胱?臉盲才是你看《復仇者聯盟4》最該擔心的事

面盲毋只發生在看劇,更係生活中个一種症頭(海陸腔)

《復仇者聯盟 4:終局之戰》毋只前有 20 部電影劇情,單淨係官方有正式做海報个英雄就達到 32 位,還較毋使講還有其他無上榜角色;抑係堂堂邁入倒算个第八季《權力遊戲》,該一大拖拉庫个家族、家族頭銜還過外號,正經係逼死面盲又金魚腦个人,還愛分人好好看劇無啊!

面盲一等痛苦个毋只發生在追劇个時節,在日常生活中還阿係。

有兜人毋只盡難認出堵堵認識个朋友,還合連伴侶、抑係自家个面都認毋出來。最出名个案例之一就係神經科學家奧利佛.薩克斯个科普暢銷書《錯摎餔娘準做帽仔个人》裡肚个案例。這對一般人來講像形相當不可思議,但係對佢兜來講,愛辨識人面愛用像係辨認物品个方式樣、另外處理。

大部分个人在辨識人面个時節,會摎人面看做整體來辨認,但係嚴重个「面盲症」患者就需要摎目珠、鼻空、嘴分開辨認,因為恁樣就算佢正經做得辨識,處理个速度也會比一般人較慢。根據統計,大約有五十分之一个英國人有「面盲症」个狀況。

目前 亻恩 俚已經知「認面」係一種獨立个認知能力,還這項能力摎物體辨識、語言能力等都無直接个關聯;針對雙生仔認面能力个研究摎 亻恩 俚講,認面个能力摎遺傳有相當高个關聯,同時目前也確認大腦个梭狀迴在其中扮演相當重要个角色。

「該個人係𠊎無?」共卵雙生仔其實乜戆戆分毋清楚自家認面能力有高有低,部分「面盲症」也可能從頭到尾無發覺自家
有這症頭──除忒單純依恃面頰卵,其實 亻恩 俚乜依恃環境、服裝、聲音等各式各樣个線索來辨識出另外一個人。這乜係做麼个,在路上堵著盡久無看著个老同學時節,你斯會試著佢當面熟,嗄喊毋出佢个名仔。還電影裡肚个情況就係 亻恩 俚做得認各式各樣个傢啦伙摎衫褲,像盾牌、槌仔、手袋仔、袈衣該兜。也因為恁樣這就係做麼个當電影中个英雄該兜換著便服个時節,就當想請佢兜結隻名牌正出場啊!

面盲毋單只發生在看劇,更係生活中个一種症頭(四縣腔)

《復仇者聯盟 4:終局之戰》毋只前有 20 部電影劇情,單淨係官方有正式做海報个英雄就達到 32 位,還較毋使講還有其他無上榜角色;抑係堂堂邁入倒算个第八季《權力遊戲》,該一大拖拉庫个家族、家族頭銜還過外號,正經係逼死面盲又金魚腦个人,還愛分人好好看劇無啊!

面盲一等痛苦个毋單只發生在追劇个時節,在日常生活中還阿係。

有兜人毋只盡難認出堵堵認識个朋友,還合連伴侶、抑係自家个面都認毋出來。最出名个案例之一就係神經科學家奧利佛.薩克斯个科普暢銷書《錯摎餔娘準做帽仔个人》裡肚个案例。這對一般人來講當像相當不可思議,但係對佢兜來講,愛辨識人面愛用像係辨認物品个方式樣、另外處理。

大部分个人在辨識人面个時節,會摎人面看做整體來辨認,但嚴重个「面盲症」患者就需要摎目珠、鼻公、嘴分開辨認,因為恁樣就算佢正經做得辨識,處理个速度也會比一般人較慢。根據統計,大約有五十分之一个英國人有「面盲症」个狀況。
目前 亻恩 俚已經知「認面」係一種獨立个認知能力,還這項能力摎物體辨識、語言能力等都無直接个關聯;針對雙生仔認面能力个研究摎 亻恩 俚講,認面个能力摎遺傳有相當高个關聯,同時目前也確認大腦个梭狀迴在其中扮演相當重要个角色。

「該儕人係𠊎無?」共卵雙生仔其實乜戆戆分毋清楚自家認面能力有高有低,部分「面盲症」也可能從頭到尾無發現自家有
這症頭──除忒單純依恃面頰卵,其實 亻恩 俚乜依恃環境、服裝、聲音等各式各樣个線索來辨識出另外一個人。這乜係做麼个,在路上堵著盡久無看著个老同學時節,你斯會試著佢當面熟,嗄喊毋出厥个名仔。還電影裡肚个情況就係 亻恩 俚做得認各式各樣个傢啦伙摎衫褲,像盾牌、槌仔、手落仔、袈衣等等。也因為恁樣這就係做麼个當電影中个英雄該兜換著便服个時節,就當想請佢兜結隻名牌正出場啊!

看更多客語版朗讀素材,請見:【寶溫盃】客語朗讀比賽「暢樂搞科學」

關於作者

PanSci

PanSci的管理者通用帳號,也會用來發表投稿文章跟活動訊息喔。

網站更新隱私權聲明
本網站使用 cookie 及其他相關技術分析以確保使用者獲得最佳體驗,通過我們的網站,您確認並同意本網站的隱私權政策更新,了解最新隱私權政策